ည . အချစ် နှင့် ဇီးသီး

ဘ၀ သည်  စာအုပ်ဟောင်း တစ်အုပ်ရဲ့ ဒေါင့် စွန်း အနားတွေလို လန်ထွက် ကော့တက်ကာ တစ်ခါတစ်လေ လန်ရုံမက ကော့ပင် ကော့တက်နေသေး ၏

ညသည်လည်း အနားစွန်းများလိပ် တက်နေတက်ကာ နေ၏ အခန်တံခါးကို ဖွင့်လိုက်တော့ လေအေးများက ညင်သာစွာ ၀င်ရောက်ပြီး သူ့ အရေပြားကို လျှာများဖြင့် လျှက် ကာ အေးစက်သော အထိအတွေ့ ကိုပေးသည်။ မွှေးညင်းနုကလေး များအားလုံး မတ်တပ်ရပ်ကြရ၏

နည်းနည်းလေး လှုပ်တာနဲ့ ကုတင် ဟုခေါ်သော အရာက ပတ္တာ ကျပ်သံကို ထုံးစံအတိုင်း တစ်ဂျစ်ဂျစ်ထုတ်လွှတ်သည် ။ လေးထပ်မြောက်တွင် နေသော်လည်း စိတ်ဓါတ်က မြေညီထပ် ကို တစ်ခါတစ်လေ အလည်ရောက်သည် ..( အခုတလော မြေညီထပ် မကြာခဏရောက် သည် )

အစိမ်းရောင်သန်းပြီး ကျွတ်ဆတ်နေသော ဇီးသီးများ ကို ဂွပ်ကနဲ ကိုက်စားရခြင်း ကို သဘောခွေ့  သည် ။

အချစ်သည်လည်း တစ်ခါတစ်ရံ ဇိးသီး ၀ယ်စားရခြင်းနှင့် တူ၏ မ၀ယ်ခင် ကြည့်လိုက်တော့ ချိုမယ့်ပုံ ကျွတ်ကျွတ် ၀ါးရမယ် ထင်မိပြီး ၀ယ်မိကာမှ ကျွတ်ကျွတ်တော့  ၀ါးရပါရဲ့   မချိုတာမျိုး..  ချိုပါရဲ့  ကျွတ်ကျွတ် ၀ါးခွင့် မရတာမျိုး တွေလည်း ရှိပါတယ်.. ကံကောင်းရင်တော့ .. ချိုလည်းချို ကျွတ်လည်း ကျွတ်မယ့်ကိစ္စ တွေ ဖြစ်လာနိုင်ပါတယ် ..

ဒါကြောင့် ဇီးသီး ၀ယ်စားခြင်း ကို အချစ်နဲ့ ညီမျှခြင်း ချကြည့် မိခြင်း ကိုယ့်ဟာကိုယ် ကောက်ချက်ဆွဲလိုက် ရင်း .. ဇီးသီးကို တစ်ကိုက်လောက် ဂွပ်ကနဲ ကိုက်လိုက်ပြီး..

မီးကိုမှိတ် .. ငါ ..........................အိပ်