သက်တံ တံတား
သိပ်ချစ်တာပဲ ညီမလေးရယ်လို့
အနမ်းတွေနဲ့ ပြောပြဖို့
မင်းရဲ့ ဆံပင်ရှည်တွေ ကြားထဲမှာ
ငါ့ မျက်နှာကို ၀ှက်ထားဖို့
ဂီတနဲ့
ငါတို့နှစ်ယောက်တွဲကဖို့
လရောင်ရွှန်းမြ
ညလေးတစ်ညဆိုတာ
တစ်ကယ်ကို ရောက်လာမှာလား
ကမ္ဘာမြေအတွက် အချစ်သီချင်း
လမင်းကို မြင်ရမလား
ကြယ်စင်ကို တွေ့ရမလား
ချစ်သူနှစ်ယောက်ရဲ့ ပေါင်းသင်းနေထိုင်မှုမှာ
ငါတို့ အစွမ်းကုန် ပွင့်လင်းနိုင်ကြမလား
မအိုခင်
မနာခင်
မသေခင်
ငါတို့ အဆုံးထိ မပျော်ရွှင်ရတော့ဘူးလား
အချစ်ရဲ့ ဧရိယာထဲမှာ
ငါတော့ တစ်လက်မ မှ နောက်မဆုတ်ပေးနိုင်ဘူး
မင်းကို
အပွင့်လေးလိုလည်းချစ်ခဲ့ရ
အသီးလေးလိုလည်းချစ်ခဲ့ရ
အဖူးလေးလိုလည်းချစ်ခဲ့ရ
မိုးအဆုံးမြေအဆုံး
မင်းတစ်ကိုယ်လုံးကို
ငါ့အနမ်းတွေနဲ့ သီကုံးထားချင်ရဲ့
ဟောဒီ 2009 မှာ မင်းကိုငါ ချစ်မိပေါ့
မိုဃ်းဇော်
Posts
No comments:
Post a Comment